A súa paixón: o viño. A súa terra natal: Xerez, berce do viño andaluz. As súas terras adoptivas: Rías Baixas e Ribeira do Douro, que lle permitiron desempeñar o seu labor como enólogo. Javier Aladro conta cunha experiencia no mundo do viño de máis de 19 anos. É químico e enólogo de formación, pero desde moi pequeno comezou a espertarse nel interese polo mundo do viño, xa que creceu no seo dunha familia vinculada ao Xerez. Agora é o Albariño a uva que lle rouba o soño moitas noites.
“Vionta foi unha das primeiras adegas en introducir a maceración sobre leas en Rías Baixas. Isto confírelle unha complexidade estrutural e uns aromas moi especiais aos viños”, indica Javier.
Os viños de Vionta son a clara expresión do granito e o mar galegos. A acidez e a estrutura do viño transpórtannos á dureza do granito, roca coa que se constrúen pazos e hórreos en Galicia. A súa complexidade aromática líganos ás sensacións do embravecido océano Atlántico que nos ofrece uns intensos aromas afroitados.
O fresco e singular estilo de Vionta Albariño foi recoñecido e galardoado coa medalla de Ouro no concurso Internacional de Albariños ao Mundo durante dous anos consecutivos.
Vionta para Javier é un soño cumprido.
“Para ter ilusión no traballo tes que ter algo de soñador en ti”.
Por iso noso Vionta é o fogar de todos os soñadores. ¿Atrévesche a soñar connosco?